Mae Cyngor Blaenau Gwent wedi cyflwyno Tystysgrif Cydnabyddiaeth Arbennig i fachgen ysgol o Abertyleri, Archie Williams, am ei waith codi arian ac ymwybyddiaeth ar gyfer Clefyd Niwronau Modur yn dilyn diagnosis ei dad.
Mae Archie Williams, 11 oed, wedi bod yn rhan allweddol o'r elusen MND Defiance a sefydlwyd gan y teulu Williams, yn dilyn diagnosis ei dad Mark ym mis Gorffennaf 2022. Yn ogystal â hyn, mae Archie wedi bod yn ymwneud â gofal dyddiol ei dad, gan gefnogi ei fam Steph.
Ymwelodd ein Haelod Llywyddol, y Cynghorydd Chris Smith, â gwasanaeth ysgol i gyflwyno'r dystysgrif, ynghyd â thaleb ar gyfer siop chwaraeon lleol i'r bachgen ifanc sy'n caru rygbi.
Cafodd Archie gymeradwyaeth ei gyd-ddisgyblion, ei athrawon, a'i chwaer fach Niamh.
Dywedodd ei fam, Steph: “Mae bywyd yn dilyn diagnosis Mark[GLA1] wedi bod yn un o godiadau a gostyngiadau llwyr, gyda digon o gyfnodau isel, ond fel teulu rydym wedi dewis mynd â’r frwydr yn erbyn MND ymlaen a gwneud popeth o fewn ein gallu i godi ymwybyddiaeth o’r clefyd ofnadwy hwn a chefnogi teuluoedd eraill sy’n mynd trwy’r un trawma. Mae Archie wedi bod yn rhan enfawr o’n taith, bob amser eisiau gwneud yr hyn y gall i helpu ei dad a hefyd yr achos MND ehangach, gan ymgymryd â heriau codi arian yma ac acw ac ym mhobman - rydym mor falch ohono.
Dywedodd y Cynghorydd Chris Smith wrth gyflwyno’r wobr: “Mae’r dyn ifanc hwn yn ysbrydoliaeth wirioneddol i ni i gyd, ac rwy’n falch iawn o chwarae rhan wrth gydnabod hynny. Da iawn Archie gennym ni i gyd yng Nghyngor Blaenau Gwent.”
I gael gwybod mwy am MND Defiance ewch i: