Da iawn i ddysgwyr Blaenau Gwent sydd wedi casglu eu canlyniadau TGAU heddiw. Mae pobl ifanc o ysgolion uwchradd y fwrdeistref wedi cyflawni'n dda unwaith eto ar draws ystod eang o bynciau.
Ymwelodd Aelod Cabinet a Chyfarwyddwr Strategol Plant, Pobl Ifanc a Theuluoedd y Cyngor, y Cynghorydd Sue Edmunds a Dr Luisa Munro-Morris, ag ysgolion y bore yma i longyfarch disgyblion a theuluoedd yn bersonol a diolch i staff a llywodraethwyr.
Dywedodd y Cynghorydd Sue Edmunds:
"Llongyfarchiadau i'n holl ddysgwyr ar eu canlyniadau TGAU heddiw, dylech fod yn hynod falch o'r hyn rydych wedi'i gyflawni. P'un a ydych chi'n symud ymlaen i addysg bellach, hyfforddiant, cyflogaeth neu'n archwilio cyfleoedd newydd, dymunaf bob llwyddiant i chi ar gyfer y dyfodol.
"Hoffwn hefyd ddiolch i'n staff ysgol ymroddedig, llywodraethwyr, teuluoedd a chymunedau ysgol ehangach am yr anogaeth, yr arweiniad a'r cymorth y maent wedi'u darparu drwy gydol y daith hon.
“Rydym yn parhau i fod wedi ymrwymo i helpu plant a phobl ifanc i ffynnu, cyflawni eu huchelgeisiau a gwireddu eu potensial llawn.”
Ychwanegodd Dr Luisa Munro-Morris, Cyfarwyddwr Strategol:
"Llongyfarchiadau i'n holl ddysgwyr ym Mlaenau Gwent ar eu canlyniadau TGAU. Mae'r cyflawniadau hyn yn adlewyrchu nid yn unig waith caled ac ymroddiad ein pobl ifanc, ond hefyd ymrwymiad a chymorth athrawon, staff ysgolion, teuluoedd a gofalwyr sydd wedi'u hannog bob cam o'r ffordd.
“Mae'r canlyniadau hyn yn dyst i'r partneriaethau cryf sy'n bodoli rhwng ein hysgolion, y Cyngor a Gwasanaeth Gwella Ysgolion yr Awdurdod Lleol, gyda ffocws cyffredin ar sicrhau bod gan bob dysgwr y cyfle i lwyddo. Rwy'n dymuno'r gorau i'n holl ddysgwyr wrth iddynt gymryd eu camau nesaf ac yn edrych ymlaen at weld popeth y maent yn ei gyflawni yn y dyfodol."
