Gwelodd menter newydd Trefi Gyda'n Gilydd y Cyngor yn gweithio gyda busnesau, grwpiau cymunedol a thrigolion o bob oed i drawsnewid stryd yng nghanol tref Brynmawr y penwythnos diwethaf.
Dewisodd dros 70% o'r bobl a holwyd Stryd Beaufort, Brynmawr, ar gyfer y trawsnewidiad undydd. Ar y diwrnod, helpodd gwirfoddolwyr i beintio blaenau siopau a dodrefn stryd; glanhau; chwynnu a gosod planhigion a blodau newydd. Mae murlun newydd ar thema natur hefyd wedi'i beintio gan artist lleol, Matt Dey, ac mae baner siop newydd 'Diolch am gefnogi Canol Tref Brynmawr' wedi'i gosod.
Mae’r rhaglen Trefi Gyda'n Gilydd yn rhan o ddull newydd y Cyngor o weithio ochr yn ochr â chymunedau, sef Y Fargen Blaenau Gwent.
Ariannwyd y gweddnewidiad gan Gronfa Effaith Pride in Place Llywodraeth y DU.
Gwyliwch Trefi Gyda'n Gilydd ar waith yma.
Dywedodd y Cynghorydd John Morgan, Aelod Cabinet dros yr Economi a Lleoedd:
"Diolch i bawb a ddaeth draw ddydd Sadwrn a rhoi o'u hamser. Mae Trefi Gyda'n Gilydd yn enghraifft berffaith o Y Fargen Blaenau Gwent, gan ddangos sut y gall cymunedau ddod ynghyd gyda’r Cyngor i wella'r ardal y maent yn byw ynddi. Roedd yn hollol wych gweld pobl o bob oed yn cymryd rhan ac roedd y plant yn wych, mor ysbrydoledig!
"Gyda'r gweithredu ar y cyd hwn, rydym yn gobeithio gwneud canol ein trefi yn ardaloedd lle mae pobl eisiau ymweld â nhw a busnesau eisiau buddsoddi."
Dywedodd un gwirfoddolwr:
"Rydym yn byw ym Mrynmawr ac roeddem am wneud i ganol y dref edrych yn well ac yn sicr rydym wedi gwneud hynny y bore yma. Mae'n hyfryd ei weld yn edrych cymaint yn well eisoes."
Dywedodd y Cynghorydd lleol, Wayne Hodgins:
"Roedd hwn yn enghraifft wych o Frynmawr ar ei orau. Trigolion, busnesau lleol, grwpiau cymunedol, ysgolion, cynghorwyr a staff y Cyngor yn dod ynghyd i wneud gwahaniaeth gwirioneddol yng nghanol ein trefi. Roedd yr ysbryd cymunedol a ddangoswyd yn anhygoel a hoffwn ddiolch i bawb a gymerodd ran."
Cyn y diwrnod, cynhaliodd timau cymdogaeth y Cyngor lanhad trylwyr o'r ardal gan gynnwys golchi â jet a glanhau ffyrdd.
Cadwch lygad allan am fanylion am y trawsnewidiad nesaf gan Trefi Gyda'n Gilydd.
Diolch i:
Ein holl wirfoddolwyr
Clwb y Rotari
Busnesau Stryd Beaufort
Dawn yn Hosbis y Cymoedd
Ross Cable
The Men’s Shed
Partneriaeth Tref Brynmawr
Y Cynghorwyr lleol Wayne Hodgins, Jules Gardner a Jon Hill
Amgueddfa Brynmawr.
