Mae tri eiddo yng nghanol trefi Blaenau Gwent wedi cael eu hadnewyddu gyda chymorth Grant Creu Lleoedd 'Trawsnewid Trefi'.
Mae Homestead Café a Classic Fish Bar ym Mrynmawr, a swyddfeydd Positif Care yn Abertyleri, i gyd yn edrych yn wych diolch i gyllid gan Lywodraeth Cymru, a weinyddir gan Gyngor Blaenau Gwent.
Nod y cyllid yw helpu pobl i wella eu busnesau, cefnogi cyflogaeth leol a chyfrannu at wella ac adfywio strydoedd mawr y fwrdeistref sirol.
Homestead Café, Bailey Street, Brynmawr
Mae'r bwyty hwn ar sgwâr y dref ym Mrynmawr wedi'i drawsnewid yn dilyn rhaglen helaeth o waith a oedd yn cynnwys to newydd (gan gynnwys paneli ffotofoltäig a thechnoleg batri), rendr inswleiddio ar dair ochr yr adeilad a ffenestri newydd a osodwyd yn unol â chymeriad gwreiddiol yr adeilad.
Classic Fish Bar, Bailey Street, Brynmawr
Mae'r siop sglodion boblogaidd wedi gwella'n sylweddol diolch i do newydd sy'n cynnwys paneli ffotofoltäig a thechnoleg storio batri; gwaith rendro ac ailosod blaen y siop ar y tu blaen a'r cefn. Mae mân waith hefyd wedi'i wneud i'r gofod mewnol – gan gynnwys gosod teils a goleuadau gwell.
Positif Care, Abertillery
Mae'r eiddo hwn, a oedd gynt yn wag, wedi elwa ar flaen siop dwbl newydd, arwyddion newydd, rendr allanol, ffenestri newydd ar y llawr uchaf a gwaith ailosod to sy'n cynnwys paneli ffotofoltäig. Bellach, mae'r eiddo'n gweithredu fel swyddfa/canolfan i'r rhai sy'n gweithio yn y sector gofal preswyl preifat i blant.
Gall y grant dalu hyd at 60% o gyfanswm cost y prosiect, gyda'r ymgeisydd yn talu gweddill y costau.