Gofalwyr

Rhaglen Cronfa Cymorth Gofalwyr Cymru

Mae’r Gronfa Cefnogi Gofalwyr, a gefnogir gan Lywodraeth Cymru, yn darparu gwasanaethau a grantiau hanfodol i gefnogi gofalwyr di-dâl sy’n wynebu caledi ariannol. Ers 2022, mae’r gronfa wedi rhoi £4.5 miliwn o grantiau, gan helpu dros 15,000 o ofalwyr di-dâl ledled Cymru drwy leddfu pwysau ariannol.

Mae mwy o wybodaeth am y Gronfa Cymorth Gofalwyr ar gaelgael yma.

Rydym yn falch i gyhoeddi bod Cyngor Bwrdeistref Sirol Blaenau Gwent yn cynnig Grant ‘untro’ i ofalwyr di-dâl sy’n byw ym Mlaenau Gwent drwy Raglen Cronfa Cymorth Gofalwyr Cymru.

“Gall gofalwr fod yn unrhyw un, o unrhyw oedran, sy’n rhoi gofal a chymorth di-dâl i berthynas, cyfaill neu gymydog sy’n anabl, yn gorfforol neu’n feddyliol wael, neu y mae camddefnyddio sylweddau yn effeithio arnynt.”

Gellir defnyddio’r Grant i brynu eitemau hanfodol unigol i gefnogi’r gofalwr yn eu rôl gofalu hyd at uchafswm o £300.

Beth all y grant dalu amdano?

Gellir defnyddio grant i brynu eitemau hanfodol unigol i gefnogi’r gofalwr yn eu rôl gofalu. Caiff pob cais ei asesu ar sail unigol.

Beth na all y grant dalu amdano?

Ni ellir defnyddio’r grant i brynu eitemau ar gyfer y person sy’n derbyn gofal, mae yn llwyr ar gyfer y gofalwr yn unig.

 

Categorïau y gellir gwneud cais amdaynt:

1.     Grantiau bwyd - £50 fesul person, fesul aelwyd hyd at uchafswm o £300. Darperir talebau archfarchnad ar gyfer Tescto neu Asda.

2.     Yr offer tŷ arbed ynni a restrir isod gyda’r uchafswm lwfans cyllid. (Bydd angen sicrhau’r eitemau hyn mewn archfarchnadoedd penodol neu Argos).

Ffrïwr aer – hyd at £100     Microdon £90                    Cwcer araf £40

Blancedi gwres £50           Dillad £100                       Talebau YC Gregs £50

Oergell neu Rewgell £250  Peiriant Golchi £250          Sychwr Taflu £220

Gallech fod yn gymwys i wneud cais am hyd at 2 eitem o’r 2 categori uchod, hyd at uchafswm o £300 yr aelwyd.

Caiff Ceisiadau Gofalwyr Ifanc eu hystyried a’u hasesu ar sail anghenion unigol.

Caiff eich ffurflen grant ei hasesu gan banel a chewch eich hysbysu am y canlyniad. Gall y broses hon gymryd 4-6 wythnos.

**Os ydych chi wedi derbyn grant yn ddiweddar trwy Gyngor Bwrdeistref Sirol Blaenau Gwent yn ystod y cyfnod Medi 2024 Mawrth 2025 ni fyddwch yn gymwys i ailddechrau tan fis Medi 2025**

Mae’r Canllawiau Grant a’r Ffurflen Gais ar gael yma:

Grant Cymorth Gofalwyr Canllawiau a Ffurflen Gais

Blaenau Gwent County Borough Council (itouchvision.com)

Os ydych angen help i lenwi’r ffurflen neu i gael mwy o wybodaeth, cysylltwch â:

Cynrychiolydd Gofalwyr Oedolion

Tania Hooper 
Ffôn: 01495 315700 Symudol: 07773 202112
E-bost: tania.hooper@blaenau-gwent.gov.uk

Cynrychiolydd Gofalwyr Ifanc

Cari Rofer
Ffôn: 01495 355584 Symudol: 07896 189412
E-bost: cari.rofer@blaenau-gwent.gov.uk

Os ydych am gadw mewn cysylltiad gallwch naill ai ein ffonio neu hyd yn oed ein dilyn ar y cyfryngau cymdeithasol ar facebook a twitter.

Edrychwch allan am danom a pheidiwch ag anghofio rhannu eich postiadau a'ch lluniau gyda ni, byddem wrth eu bod yn eu gweld hefyd. Defnyddiwch yr hashnodau isod.

#blaenaugwent #gweithio gyda'n gilydd #HomeNotAlone

Pan fyddwch yn gofalu am eraill gallwch yn aml anghofio am eich hunanofal eich hun. Beth am ddarllen y ddogfen Hunan Ofal am rai ffyrdd y gallwch gyflawni eich nodau hunanofal.

Ein nod mewn cefnogi gofalwyr

Mae gan ofalwyr rôl hanfodol yn eu cymuned drwy ofalu am rai sydd ag iechyd gwael, sy'n anabl, agored i niwed neu lesg ac i gydnabod hyn anelwn ddarparu'r wybodaeth, gwasanaethau a chefnogaeth y mae gofalwyr eu hangen ar gyfer eu rôl fel gofalwyr.

Pwy sy'n ofalwr?

Gellir diffinio gofalwr fel rhywun sydd, heb dâl, yn rhoi help a chefnogaeth i bartner, plant, perthynas, cyfaill neu gymydog, na allai ymdopi heb eu help. Gallai hyn fod oherwydd oedran, salwch corfforol neu feddyliol, caethiwed e.e. i gyffuriau neu alcohol, neu anabledd.

Ni ddylid drysu'r term gofalwr gyda gweithiwr gofal, neu gymhorthydd gofal, sy'n derbyn tâl am ofalu am rywun.

Fel arfer daw gofalwyr i un o'r tri chategori dilynol:

• Gofalwr Oedolyn: oedolyn yn gofalu am oedolyn arall megis gwr, gwraig, partner, mab, merch, cyfaill neu berthynas.
• Rhiant sy'n Gofalu am Blentyn gydag Anableddau: oedolyn sy'n gofalu am blentyn gyda salwch hirdymor neu anabledd.
• Gofalwr Ifanc: person ifanc dan 18 oed yr effeithir arnynt mewn rhyw ffordd gan yr angen i gymryd lefel o gyfrifoldeb corfforol, ymarferol a/neu emosiynol am ofal person arall, fel arfer yn cymryd lefel o gyfrifoldeb sy'n amhriodol ar gyfer eu hoedran neu ddatblygiad.

Cydnabyddir fod y tri math yma o ofalwr yn grwpiau eang a bod pob gofalwr yn unigolyn ac felly ag anghenion gwahanol ac amrywiol.

Ffocws ar gyfer ein gwaith gyda gofalwyr

Bydd Blaenau Gwent a'i sefydliadau partner yn cydweithio i gyflawni'r canlyniadau dilynol:

1. Caiff gofalwyr eu parchu fel partneriaid gofal a bydd ganddynt fynediad i'r gwasanaethau y maent eu hangen i'w cefnogi yn eu rôl gofalu.
2. Bydd gofalwyr yn gallu cael bywyd eu hunain wrth ochr eu rôl gofalu.
3. Caiff gofalwyr eu cefnogi fel nad ydynt yn cael ei gorfodi i galedi ariannol oherwydd eu rôl gofalu.
4. Caiff iechyd a lles gofalwyr eu hyrwyddo i'w cynorthwyo i aros yn feddyliol a chorfforol wael a chael eu hurddas wedi'i barchu.
5. Caiff plant a phobl ifanc eu diogelu rhag gofalu amhriodol a chael y gefnogaeth maent ei hangen i ddysgu, datblygu a ffynnu, i fwynhau plentyndod cadarnhaol a defnyddio eu galluoedd i'r eithaf. 

Ein Hegwyddorion Allweddol

Yr egwyddorion allweddol sy'n cefnogi Blaenau Gwent a'i sefydliadau partner yw y caiff gofalwyr eu trin gydag urddas a pharch ac y byddwn yn mabwysiadu'r egwyddorion dilynol i gyflawni hyn.

• Cydnabod - byddwn yn cefnogi gofalwyr i gydnabod eu rôl gofalu a'u hannog i dderbyn y gefnogaeth maent ei hangen. Bydd angen i ni hefyd hyrwyddo'r angen i sicrhau fod y sgiliau a'r galluoedd ganddynt i adnabod gofalwyr pan ddeuant i gysylltiad â nhw.
• Grymuso - byddwn yn sicrhau fod gofalwyr yn cael gwybodaeth ystyrlon, cyfoes a hygyrch sy'n ymateb i'w hanghenion unigol ac sydd ar gael yn lleol o fewn eu cymuned i'w galluogi i wneud dewisiadau gwybodus.
• Cefnogi - byddwn yn cefnogi gofalwyr i ddewis ystod o wasanaethau hyblyg, o ansawdd da, a deilwriwyd i ddiwallu eu hanghenion unigol a fydd yn rhoi'r gefnogaeth maent ei hangen i gadw eu rôl gofalu cyhyd ag y dymunant.
• Hyrwyddo - byddwn yn hyrwyddo gofalwyr fel pobl yn gyntaf, gyda'r un hawliau ag unrhyw un arall i gael dewis a rheolaeth, ansawdd bywyd a'u huchelgais eu hunain, ac ar wahân i rai'r bobl y maent yn gofalu amdanynt.
• Ymgysylltu - byddwn yn sicrhau fod gan ofalwyr llais ac yr ymgynghorir ac y cysylltir â hwy yng nghyswllt y cynllunio a chynllunio'r gwasanaethau sy'n effeithio arnynt a'r rhai y maent yn gofalu amdanynt.
• Ystyried barn gofalwyr - byddwn yn sicrhau fod gofalwyr yn cael eu cynnwys yn y prosesau asesu a chynllunio gofal fydd yn ystyried eu sylwadau, cydnabod eu cyfraniad, gwybodaeth a'u hawliau.
• Gwrando - byddwn yn hyrwyddo argaeledd a hawliau gofalwyr i asesiad o'u hanghenion eu hunain fydd yn canolbwyntio ar wrando ar y gofalwr, gwerthfawrogi eu profiadau a gweithredu proses yn canoli ar ofalwyr gyda chanlyniadau realistig.

Sut gallaf i fel gofalwr gael mynediad i help gan y Gwasanaethau Cymdeithasol?

Mae gan unrhyw ofalwr sy'n rhoi gofal rheolaidd i aelod o'u teulu neu gyfaill hawl yn ôl y gyfraith i gael asesiad o'u hanghenion. Gelwir yr asesiad yma yn 'Asesiad Gofalwr' ac os credwch y byddai'r asesiad yma o help i chi fel gofalwr teulu, yna cysylltwch â'r Adran Gwasanaethau Cymdeithasol ar 01495 315700 neu anfon e-bost at DutyTeamAdults@blaenau-gwent.gov.uk.

Mae'r 'Asesiad Gofalwyr' yn gyfweliad neu gyfres o gyfweliadau gyda gofalwr, i benderfynu pa help personol y gall y gofalwr fod ei angen i fedru parhau i ofalu am y person y maent yn 'gofalu' amdano/amdani. Mae'r asesiad yn gyfle i'r gofalwr feddwl amdanynt eu hunain a pha gefnogaeth sydd ei angen.

Beth yw diben asesiad?

Mae'r asesiad yn galluogi gweithwyr cymdeithasol i ymchwilio gyda'r gofalwr:

• lefel y gofal y gall y gofalwr ei roi
• pa mor gynaliadwy yw'r sefyllfa ofalu
• iechyd y gofalwr
• eu hamgylchiadau personol a galluoedd ac anghenion unigol

I gael gwybodaeth, cyngor a chymorth, neu i wneud atgyfeiriad atgyfeiriad neu adroddiad am bryderon yn gysylltiedig â:

• person 18 oed neu drosodd, cysyllwch â Hyb IAA Gwasanaethau Oedolion
• plentyn neu berson ifanc, cysylltwch â hyb IAA Gwasanaethau Plant

IAA Gwasanaethau Oedolion

Ffôn: 01495 315700
E-bost: DutyTeamAdults@blaenau-gwent.gov.uk
Ffacs: 01495 353350

IAA Gwasanaethau Plant

Ffôn: 01495 315700
E-bost: duty.team@blaenau-gwent.gov.uk
Ffacs: 01495 353350

Ar gyfer gwybodaeth ac ymholiadau:
E-bost: info@blaenau-gwent.gov.uk

Pencadlys:

Cyfarwyddiaeth Gwasanaethau Cymdeithasol
Llys Einion
Stryd yr Eglwys
Abertyleri
NP13 1DB

Ffôn: (01495) 354680
Ffacs: (01495) 355285