Clwb Chwarae Gemau Fideo
Ar agor i bob person ifanc rhwng 11 ac 16 oed
Canolfan Ieuenctid Abertyleri
Dewch ymlaen! Neidiwch i mewn i FIFA, Fortnite, Minecraft a mwy – chwaraewch, cystadlwch a chodwch trwy’r lefelau.
Dydd Llun, 4 – 5pm
- 20 Gorff
- 27 Gorff
- 10 Awst
Clybiau Ieuenctid 6 – 8pm
Ar agor i bob person ifanc rhwng 11 ac 16 oed
Amrywiol ledled Blaenau Gwent
Chwaraeon, gemau fideo, celfyddydau, coginio, sesiynau hamddenol, a llawer mwy i gymryd rhan ynddo. Cewch gwrdd â phobl newydd, rhowch gynnig ar rywbeth gwahanol, a darganfyddwch beth sy’n digwydd yn eich ardal chi. Staff cyfeillgar wrth law i roi cymorth a chyngor os oes ei angen arnoch.
Abertyleri
- Dydd Llun 20 Gorff
- Dydd Llun 27 Gorff
- Dydd Llun 3 Awst
- Dydd Llun 17 Awst
Brynmawr – Tabor
- Dydd Llun 20 Gorff
- Dydd Llun 3 Awst
- Dydd Llun 10 Awst
- Dydd Llun 17 Awst
Rasa
- Dydd Mawrth 21 Gorff
- Dydd Mawrth 28 Gorff
- Dydd Mawrth 4 Awst
- Dydd Mawrth 11 Awst
- Dydd Mawrth 18 Awst
Cwm
- Dydd Mercher 29 Gorff
- Dydd Mercher 5 Awst
- Dydd Llun 17 Awst
Tredegar – Stockton
- Dydd Iau 23 Gorff
- Dydd Iau 6 Awst
- Dydd Iau 13 Awst
- Dydd Iau 20 Awst
Gwaith Ieuenctid Datgysylltiedig
Ar agor i bob person ifanc rhwng 11 ac 16 oed
Amrywiol ledled 6 – 9pm
Bydd ein tîm gwaith ieuenctid datgysylltiedig cymwys allan yn y gymuned yn ymgysylltu â phobl ifanc yn eu mannau eu hunain. Bydd gweithgareddau a phrosiectau’n cael eu llunio o amgylch diddordebau pobl ifanc, ochr yn ochr â chyngor, arweiniad a chefnogaeth, gyda chyfeirio ac atgyfeiriadau lle bo angen, gan helpu i fynd i’r afael ag ymddygiad gwrthgymdeithasol yn gadarnhaol.
Edrychwch ar ein tudalen Facebook i weld ble byddwn ni:
https://www.facebook.com/BG.Youth.Service/?locale=en_GB
Abertyleri
- Bob dydd Mawrth, dydd Iau a dydd Gwener, 6 – 9pm
- Bob dydd Mercher, Parc Lles – Bryn-mawr, 6 – 9pm
- Bob dydd Gwener, Glynebwy, 6 – 9pm
Paned a dal i fyny
Ar agor i bob person ifanc rhwng 16 a 25 oed
Mynediad Agored
Galwch heibio! Lle hamddenol gyda llawer yn digwydd, gan gynnwys gemau fideo, coginio, sesiynau sgiliau, gweithdai seiliedig ar broblemau ac ati. Mae cymorth gan weithwyr ieuenctid hefyd, p’un a ydych chi eisiau help gydag addysg, cyflogaeth neu hyfforddiant, neu ddim ond rhywun i siarad ag ef.
Dim pwysau, dim barn – dim ond lle diogel i dreulio amser, cymryd rhan, a bod yn chi'ch hun.
Neuadd Sant Ioan, Tredegar, 6 – 8pm
Dydd Llun
- 27 Gorff
- 17 Awst
Canolfan Ieuenctid Abertyleri, 6 – 8pm
Dydd Mawrth
- 21 Gorff
- 28 Gorff
- 4 Awst
- 11 Awst
- 18 Awst
Croeso Dydd Mercher
Canolfan Ieuenctid Abertyleri
Ar agor i bob person ifanc rhwng 16 a 25 oed, gan gynnwys y rhai ym Mlwyddyn 11 sy’n gadael yr ysgol
Galwch heibio! Lle cynnes a hamddenol lle gallwch chi gael bwyd am ddim, cymryd seibiant, a chysylltu â phobl sydd wir eisiau eich helpu i symud ymlaen. P’un a ydych chi’n chwilio am gymorth gyda gwaith neu eisiau cyngor ar hyfforddiant, neu ddim ond eisiau rhywle clyd i dreulio amser, rydym ni yma i chi. Mewn partneriaeth â Choleg Gwent iTEC, Llamau, y Coleg Paratoi Milwrol, ACT a Gyrfa Cymru.
Bob dydd Mercher, 12 – 2pm
- 22 Gorff – Gyrfa Cymru ac iTEC
- 29 Gorff – Gyrfa Cymru ac ACT
- 5 Awst - Gyrfa Cymru a Llamau
- 12 Awst – Gyrfa Cymru, Parth Dysgu Blaenau Gwent, MPTC a Busnes Cymru (Fan Byrgyrs Smash’d)
- 19 Awst – Gyrfa Cymru ac iTEC
Iechyd a Llesiant
Canolfan Chwaraeon Glynebwy
Ar agor i bob person ifanc rhwng 16 a 25 oed
Yn chwilio am ffordd i hybu eich iechyd, eich llesiant a’ch hyder? Dewch draw i’n Grŵp Iechyd a Llesiant yng Nghanolfan Chwaraeon Glynebwy bob dydd Iau. Byddwch yn cael mynediad am ddim i’r gampfa a’r ystafell iechyd, yn cymryd rhan mewn gweithgareddau sy’n cefnogi eich lles corfforol a meddyliol, ac yn cysylltu ag eraill mewn lle hamddenol a chefnogol. Mae yna hefyd gyngor ac arweiniad ar addysg, cyflogaeth, hyfforddiant a gwirfoddoli, ynghyd â mynediad at git chwaraeon am ddim os oes ei angen arnoch.
- Bob dydd Iau 11am – 1pm
Rhowch gynnig arni
Ar agor i bob person ifanc rhwng 11 ac 16 oed
Dewch draw i’n diwrnodau ‘Rhowch gynnig arni’ ar gyfer pobl ifanc rhwng 11 ac 16 oed! Wedi’u cyflwyno mewn partneriaeth â grwpiau a sefydliadau lleol, mae’r sesiynau hwyliog, ymarferol hyn yn gyfle i chi roi cynnig ar rywbeth gwahanol, dysgu sgiliau newydd, cwrdd â phobl newydd, a chael chwerthin ar hyd y ffordd.
- Dydd Iau 30 Gorff – Drop Zone Golf - Archeb Yma
- Dydd Iau 6 Awst – Rwlét hip-hop - Archeb Yma
- Dydd Iau 13 Awst – Pysgota yn Llyn yr Ŵyl - Archeb Yma
- Dydd Iau 20 Awst – Drop Zone Golf - Archeb Yma
Bydd digwyddiadau lle gellir cadw lle yn agor wythnos cyn cynnal y digwyddiad.
Sinema Brynmawr
The Odyssey, 3 – 5pm
17–25 oed (oni bai eu bod yng nghwmni rhiant / gwarcheidwad)
Ymunwch â ni am sesiwn sinema arbennig yn dangos The Odyssey! Eisteddwch yn ôl, ymlaciwch, a mwynhewch brynhawn ar y sgrin fawr gyda ffrindiau a phobl ifanc eraill o bob cwr o’r ardal. Mae’r sesiwn hon ar agor i bobl ifanc 17–25 oed (mae angen i’r rhai 16 oed ac iau fod yng nghwmni rhiant/gwarcheidwad) ac mae’n cynnig cyfle gwych i fwynhau ffilm fawr fel rhan o’n rhaglen weithgareddau yn ystod yr haf.
Cyfyngedig i 100 o bobl ifanc ar sail y cyntaf i’r felin. Unwaith y bydd pob un o’r 100 lle wedi’u llenwi, ni fydd modd derbyn mwy, felly gwnewch yn siŵr eich bod yn cyrraedd yn gynnar i osgoi cael eich siomi.
- Dydd Iau 23 Gorff
Y tu ôl i’r llenni
Canolfan Ieuenctid Abertyleri
Ar agor i bob person ifanc rhwng 11 ac 16 oed.
Bywlunio… Perfformiwr Syrcas!
Eisiau rhoi cynnig ar rywbeth creadigol ac ychydig yn wahanol yr haf hwn? Ymunwch â ni ar gyfer Bywlunio… Perfformiwr Syrcas, sesiwn gelf unigryw lle cewch gyfle i fraslunio a thynnu llun perfformiwr syrcas go iawn!
Mae’r sesiwn hwyliog a hamddenol hon yn dathlu hunaniaeth, unigoliaeth a hunanfynegiant, gan annog pobl ifanc i archwilio creadigrwydd wrth ddatblygu eu sgiliau lluniadu a’u hyder. P’un a ydych chi’n artist profiadol neu’n mwynhau bod yn greadigol, mae croeso i bawb gymryd rhan.
Noder: Sesiwn fywlunio yw hon gyda pherfformiwr syrcas wedi’i wisgo’n llawn ac mae’n addas ar gyfer pobl ifanc 11–16 oed.
Darperir lluniaeth drwy gydol y sesiwn, fel y gallwch ymlacio, bod yn greadigol, a mwynhau’r profiad. Gellir cyflwyno’r sesiwn hon drwy gyfrwng y Gymraeg hefyd.
Mae lleoedd yn brin, felly archebwch eich lle nawr.
- Dydd Iau 23 Gorff 5 – 7pm
Academi Greadigol
Canolfan Gweithredu Dysgu Glynebwy
Ar agor i bob person ifanc rhwng 11 ac 16 oed
Bydd ein tîm gwaith ieuenctid datgysylltiedig yng Nghanolfan Gweithredu Dysgu Glynebwy i gyflwyno’r Academi Greadigol, prosiect dan arweiniad pobl ifanc sy’n rhoi cyfle i chi archwilio troelli, cyfansoddi caneuon, cynhyrchu fideos a mwy.
Chi sy’n llunio’r cyfan, felly mae’r posibiliadau’n ddiddiwedd. Dewch â’ch syniadau, rhowch gynnig ar rywbeth newydd, a byddwch yn greadigol. Dewch i ddweud helô, cymerwch ran, a gwnewch y lle yn eiddo i chi.
Edrychwch ar ein tudalen Facebook i weld ble byddwn ni:
https://www.facebook.com/BG.Youth.Service/?locale=en_GB
- Bob dydd Iau 6 – 8pm
KICKS
Canolfan Chwaraeon Glynebwy
Ar agor i bob person ifanc rhwng 11 ac 16 oed
Byddwch yn egnïol yr haf hwn gyda sesiynau pêl-droed ac ymgysylltu ieuenctid Premier League Kicks yn rhedeg yng Nghanolfan Chwaraeon Glynebwy! Wedi’u cyflwyno mewn partneriaeth â Sefydliad Clwb Pêl-droed Dinas Caerdydd.
- Bob dydd Gwener 4 – 6pm
Diwrnod Traeth Brynmawr
Canol Tref Brynmawr
Ar agor i bob person ifanc rhwng 11 a 25 oed
Bydd tîm datgysylltiedig y gwasanaeth ieuenctid allan yn llu i gefnogi’r digwyddiad haf blynyddol hwn, sydd wedi’i ddisgwyl yn eiddgar ac sy’n llawn hwyl ac egni i bobl ifanc. Mwynhewch osodiad traeth enfawr, profwch eich sgiliau ar yr efelychydd syrffio, a mwynhewch adloniant byw, gan gynnwys darllediadau a cherddoriaeth gan BGfm, ynghyd ag adlonwyr a llawer mwy.
- Dydd Llun 27 Gorff 11am – 3pm
Ieuenctid yn y Parc
Parciau amrywiol ledled Blaenau Gwent
Ar agor i bob person ifanc rhwng 11 ac 16 oed
Mae Gwasanaeth Ieuenctid Blaenau Gwent yn partneru â Thîm Chwarae Blaenau Gwent i lansio ‘Ieuenctid yn y Parc’ drwy ddarparu cynnig i bobl ifanc hŷn (11–16), gan gynnwys chwaraeon, gemau fideo, disgo tawel a gweithgareddau creadigol, ochr yn ochr â chyfleoedd i gysylltu â gweithwyr ieuenctid a chael mynediad at gymorth, yn enwedig i’r rhai sy’n pontio o’r ysgol gynradd i’r ysgol uwchradd.
- Dydd Llun 27 Gorff, Parc Lles Cwm, 2 –4pm
- Dydd Mawrth 28 Gorff, Caeau Chwarae Deighton, 2 – 4pm
- Dydd Gwener 7 Awst, Parc Abertyleri, 2 – 4pm
- Dydd Mawrth 11 Awst, Cwmcelyn, 10am – 12pm
- Dydd Iau 13 Awst, Ffordd Sant Iago, Tredegar, 2 – 4pm
- Dydd Mercher 19 Awst, Parc Lles Bryn-mawr, 2 –4pm
- Dydd Iau 20 Awst, Rasa, 10am – 12pm
Gweithdai Dydd Mercher
Canolfan Ieuenctid Abertyleri 2.30 – 4.30pm
Ar agor i bob person ifanc rhwng 11 ac 16 oed
Yn chwilio am ffordd hwyliog o fod yn greadigol, dysgu sgiliau newydd, a chwrdd â phobl newydd? Ymunwch â ni am amrywiaeth o weithdai ymarferol cyffrous
Byddwch yn greadigol gyda phrosiectau unigryw
Cewch gwrdd â phobl newydd a chael hwyl Rhowch gynnig ar rywbeth gwahanol mewn awyrgylch hamddenol a chyfeillgar
P’un a ydych chi’n hoff o gelf, bwyd neu ddylunio, neu ddim ond eisiau rhoi cynnig ar rywbeth newydd, mae rhywbeth at ddant pawb. Nid oes angen profiad – dewch â chi’ch hun a’ch creadigrwydd!
Lleoedd cyfyngedig ar gael – archebwch i gadw’ch lle.
- Dydd Mercher 29 Gorff – Bomiau Bàth Lush - Archeb Yma
- Dydd Mercher 5 Awst – Pizza Tân Coed - Archeb Yma
- Dydd Mercher 12 Awst – Gwneud Crysau T - Archeb Yma
- Dydd Mercher 19 Awst – Gwneud Gemwaith - Archeb Yma
Bydd digwyddiadau lle gellir cadw lle yn agor wythnos cyn cynnal y digwyddiad.
Diwrnod Chwarae
Parc Bedwellte, Tredegar
Pob oedran
Dathlwch Ddiwrnod Chwarae gyda Gwasanaeth Ieuenctid Blaenau Gwent!
Paratowch am ddiwrnod llawn hwyl, chwerthin a chwarae yn Niwrnod Chwarae Blaenau Gwent!
Dewch draw i fwynhau amrywiaeth o weithgareddau, gemau ac adloniant cyffrous gyda ffrindiau a theulu. P’un a ydych chi’n hoffi bod yn egnïol, bod yn greadigol, neu ddim ond cael hwyl yn yr awyr agored, mae rhywbeth i bawb ei fwynhau.
Bydd tîm Gwasanaeth Ieuenctid Blaenau Gwent yno hefyd!
Gwnewch yn siŵr eich bod yn galw heibio, yn dweud helô, ac yn cael sgwrs gyda’n gweithwyr ieuenctid. Byddem wrth ein bodd yn cwrdd â chi, yn dweud wrthych am y cyfleoedd sydd ar gael trwy’r gwasanaeth ieuenctid, ac yn clywed am y pethau sy’n bwysig i chi.
Dewch i ymuno â’r hwyl, gwneud ffrindiau newydd, a dathlu pŵer chwarae!
Ar agor i blant, pobl ifanc a theuluoedd – edrychwn ymlaen at eich gweld chi yno!
- Dydd Mercher 5 Awst 10am – 3pm
Parti yn y Parc, Abertyleri
Ar agor i bob person ifanc rhwng 11 a 25 oed
Yn chwilio am rywbeth difyr i’w wneud yr haf hwn? Dewch draw i Barti yn y Parc, digwyddiad cymunedol gwych sy’n llawn cerddoriaeth, bwyd, gemau, gweithgareddau, a digon o gyfleoedd i dreulio amser gyda ffrindiau!
Wedi’i gyflwyno gan Wasanaeth Ieuenctid Blaenau Gwent a phartneriaid, diben y digwyddiad hwn yw dod â phobl ifanc ynghyd am ddiwrnod hwyliog, diogel a phleserus yn y parc. P’un a ydych chi eisiau cymryd rhan yn y gweithgareddau, cael rhywfaint o fwyd, gwrando ar y gerddoriaeth neu ymlacio gyda ffrindiau, mae rhywbeth at ddant pawb.
Bydd ein gweithwyr ieuenctid yno drwy gydol y digwyddiad hefyd os ydych chi eisiau sgwrs neu fod angen cyngor neu gymorth arnoch, neu os ydych chi eisiau gwybod mwy am yr hyn sydd gan y gwasanaeth ieuenctid i’w gynnig.
Cadwch lygad ar ein tudalen Facebook am fanylion a diweddariadau am y digwyddiad: https://www.facebook.com/BG.Youth.Service/?locale=en_GB
- Dydd Mercher 5 Awst 6 – 9pm
Sinema Brynmawr
Spiderman 3pm - 5pm
Mae’r sesiwn hon ar agor i bob person ifanc rhwng 12 a 25 oed
Ymunwch â ni am sesiwn sinema arbennig yn dangos Spiderman! Eisteddwch yn ôl, ymlaciwch, a mwynhewch brynhawn ar y sgrin fawr gyda ffrindiau a phobl ifanc eraill o bob cwr o’r ardal.
Lleoedd cyfyngedig i 100 o bobl ifanc ar sail y cyntaf i’r felin. Unwaith y bydd pob un o’r 100 lle wedi’u llenwi, ni fydd modd derbyn mwy, felly gwnewch yn siŵr eich bod yn cyrraedd yn gynnar i osgoi cael eich siomi.