Gwasanaethau Cwsmeriaid
Bydd C2BG (Canolfan Gyswllt y Cyngor) yn cau am 12.00yp ar y 24ain o Ragfyr 2025 ac yn ailagor am 8yb ar yr 2il o Ionawr 2026.
Gellir cysylltu â’r gwasanaeth Brys y tu allan i oriau gwaith ar y rhif arferol o 01495 311556 yn ystod y cyfnod hwn.
Bydd y gwasanaeth Larwm Piper hefyd yn parhau i weithredu. Dylid cyfeirio ymholiadau ynghylch larymau llinell bywyd Piper y tu allan i oriau swyddfa at 0330 678 1097.
Os byddwch chi’n profi unrhyw broblemau gyda’ch offer, fel eich larwm neu’ch crogdlws ddim yn gweithio, rhwng hanner dydd ddydd Mercher, 24ain o Ragfyr 2025 a 9yb ddydd Gwener, 2il o Ionawr 2026 (ac eithrio Dydd Nadolig), cysylltwch â Taking Care, eich Canolfan Monitro Larwm, ar 0330 678 1097.
Tîm Dyletswydd Gwasanaethau Cymdeithasol
Bydd Swyddfa’r Tîm Dyletswydd yn cau am 12.30yp ar y 24ain o Ragfyr 2025 ac yn ailagor am 8yb ar yr 2il o Ionawr 2026. Gallwch gysylltu â’r Tîm Dyletswydd Brys ar gyfer Gwasanaethau Cymdeithasol ar 0800 328 44 32.
Gwasanaethau Cofrestru
Mae’r Gwasanaeth Cofrestru ar agor ar gyfer apwyntiadau tan 1yp ac yna ymholiadau ffôn tan 4yp ddydd Mawrth, 23ain o Ragfyr.
Ymholiadau ffôn yn unig ddydd Mercher 24ain o Ragfyr tan 12:30yp. Cofrestriadau Marwolaethau o’r 30ain i’r 31ain o Ragfyr 10yb tan 2yp trwy apwyntiad yn unig. Bydd y gwasanaeth arferol yn ailddechrau ddydd Gwener, 2il o Ionawr 2026.
Hybiau Cymunedol
Byddant yn cau am 12.30yp ar y 24ain o Ragfyr 2025 ac yn ailagor am 9yb ar yr 2il o Ionawr 2025. Bydd yr Hybiau Cymunedol yn cau am 5yp ar y 23ain o Ragfyr ac yn ailagor am 9yb ar yr 2il o Ionawr.
Taliadau a Budd-daliadau
Os ydych chi am wneud taliad, mae llinell dalu awtomataidd 24 awr ar gael ar 0845 604 2635 neu gellir gwneud taliadau trwy ein gwefan - https://www.blaenau-gwent.gov.uk/en/home/
Gwastraff ac Ailgylchu
Bydd casgliadau Ailgylchu a Sbwriel ddau ddiwrnod yn hwyr yn ystod wythnos y Nadolig ac un diwrnod yn hwyr yn ystod cyfnod y Flwyddyn Newydd. Bydd casgliadau’n ailddechrau fel arfer o ddydd Llun, 5ed o Ionawr 2026. Gweler yma am fanylion llawn ar gasgliadau Gwastraff a Ailgylchu
Bydd sachau cewynnau a chynhyrchion hylendid yn cael eu casglu o’r man casglu arferol ddydd Sul, 28ain o Ragfyr 2025 a dydd Sadwrn, 3ydd o Ionawr 2026.
Bydd Canolfannau Ailgylchu’r Cyngor (gan gynnwys Siop Ailddefnyddio The Den yng Nghanolfan Ailgylchu newydd Roseheyworth, Abertyleri) ar agor yn ystod cyfnod y Nadolig a’r Flwyddyn Newydd rhwng 9yb a 5.30yp (mynediad olaf 5.20yp) i drigolion waredu deunydd gwastraff. Bydd y ddau safle ar gau ar Ddydd Nadolig, Gŵyl San Steffan a Dydd Calan yn unig. Noder y bydd y ddau safle yn dal i fod ar gau ar eu diwrnod cau arferol, sef bob dydd Mawrth yn Roseheyworth a phob dydd Iau yn New Vale.