Mae Cyngor Bwrdeistref Sirol Blaenau Gwent yn falch o gyhoeddi ei gyfranogiad yn Wythnos Pryd ar Glud 2025, a gynhelir o’r 3ydd i’r 7fed o Dachwedd. Mae'r fenter hon yn dathlu'r rôl hanfodol y mae gwasanaethau prydau bwyd cymunedol yn ei chwarae wrth gefnogi oedolion hŷn a thrigolion agored i niwed ar draws y DU - ac yma ym Mlaenau Gwent.
Nod Wythnos Pryd ar Glud yw:
- Amlygu manteision cymdeithasol, economaidd, seicolegol ac ataliol gwasanaethau Pryd ar Glud ar draws y DU
- Hyrwyddo gwerth aruthrol gwasanaethau prydau bwyd cymunedol, gan annog cefnogaeth gyhoeddus i ddarpariaeth leol
- Codi ymwybyddiaeth o bwysigrwydd Pryd ar Glud - boed yn cael eu danfon i gartrefi neu ganolfannau dydd
- Mynd i'r afael â, a chynyddu dealltwriaeth o unigrwydd, ynysu cymdeithasol, a phryderon diogelwch sy'n effeithio ar bobl hŷn ac agored i niwed
Ym Mlaenau Gwent, mae Prydau Cymunedol yn fwy na gwasanaeth danfon bwyd. Mae'n darparu maeth dyddiol, gwiriadau llesiant, a rhyngweithio cymdeithasol ystyrlon - gan rymuso trigolion i fyw'n annibynnol ac yn ddiogel yn eu cartrefi eu hunain. Mae'r gwasanaeth hefyd yn helpu i leddfu'r pwysau ar systemau iechyd a gofal cymdeithasol lleol drwy leihau unigedd a hyrwyddo llesiant.
Gyda'n gilydd, gadewch i ni sicrhau nad oes neb ym Mlaenau Gwent yn mynd heb y gefnogaeth sydd ei hangen arnynt.
Os oes gennych ddiddordeb mewn manteisio ar brydau cymunedol, gallwch gysylltu â Thîm IAA Gwasanaethau Oedolion ar 01495 315700 neu ymweld â'n gwefan i gael rhagor o wybodaeth am y gwasanaeth Pryd ar Glud | Cyngor Bwrdeistref Sirol Blaenau Gwent
Cadwch mewn cysylltiad a dilyn gweithgareddau a dathliadau'r wythnos ar y cyfryngau cymdeithasol gan ddefnyddio:
#PrydarGlud2025 #MwyNaDimOndPrydBwyd