£200 Cymorth Tanwydd y Gaeaf 2022-23

Gall aelwydydd cymwys hawlio taliad unigol o £200 gan eu hawdurdod lleol. Mae’r arian ar gyfer cymorth tuag at dalu am filiau tanwydd y gaeaf. Mae hyn yn ychwanegol at daliad tanwydd y gaeaf a gynigir gan Lywodraeth y Deyrnas Unedig.

Bydd y taliad ar gael i bob cwsmer ynni cymwys sut bynnag maent yn talu am danwydd. Mae hyn yn cynnwys taliadau a wneir ar fesurydd blaendalu, drwy ddebyd uniongyrchol, talu’n chwarterol neu’r rhai sy’n defnyddio tanwydd heb fod ar y grid.

Mae’n rhaid i ymgeiswyr hefyd fod yn gyfrifol am dalu biliau ynni yr eiddo.

Bydd y cynllun ar agor i aelwydydd lle mae ymgeisydd yn derbyn un o’r budd-daliadau cymwys rhwng 1 Medi a 31 Ionawr 2023:

  • Cymhorthdal Incwm
  • Lwfans Ceisiwr Gwaith Seiliedig ar Incwm
  • Lwfans Cyflogaeth a Chymorth
  • Credyd Cynhwysol
  • Credyd Treth Gwaith
  • Credyd Treth Plant
  • Credyd Pensiwn
  • Taliad Annibyniaeth Personol (PIP)
  • Lwfans Byw i’r Anabl (DLA)
  • Lwfans Gweini
  • Lwfans Gofalwr
  • Budd-daliadau Cyfrannol
  • Cynllun Gostwng y Dreth Gyngor
  • Taliad Annibyniaeth y Lluoedd Arfog
  • Lwfans Gweini Cyson
  • Atodiad Symudedd Pensiwn Rhyfel

Os nad ydych yn derbyn un o’r budd-daliadau cymwys uchod ond bod rhywun sy’n byw gyda chi yn derbyn un o’r isod rhwng 1 Medi 2022 a 31 Ionawr 2023:

  • Lwfans Gweini
  • Lwfans Byw i’r Anabl
  • Taliad Annibyniaeth Personol
  • Taliad Annibyniaeth y Lluoedd Arfog
  • Lwfans Gweini Cyson
  • Atodiad Symudedd Pensiwn Rhyfel

 

Os gwnaethoch gais yn ddiweddar am ac wedi derbyn y £150 yn gysylltiedig gyda’ch Cyfrif Treth Gyngor (Taliad Cymorth £150 Costau Byw), caiff taliad Cymorth Tanwydd y Gaeaf Cymru ei dalu’n awtomatig i’ch cyfrif banc.

 

Os na, bydd ceisiadau’n agor ar 26 Medi 2022 ac yn cau ar 28 Chwefror 2023.