10 February 2012
Mae'r Swyddfa Archwilio Genedlaethol wedi cyhoeddi ei Adroddiad Gwella Blynyddol ar gyfer Blaenau Gwent.
Bob blwyddyn, mae'r Archwilydd Cyffredinol yn adrodd pa mor dda y mae cyrff sector cyhoeddus Cymru yn cynllunio ar gyfer gwella a chyflenwi eu gwasanaethau. Cyhoeddwyd yr adroddiad ar Gyngor Blaenau Gwent heddiw ac mae'n cyflwyno darlun o wella yn y fwrdeisdref sirol dros y flwyddyn ddiwethaf.
Ei gasgliad yw bod y Cyngor yn adrodd ei gynnydd ond nad yw'n glir bob amser sut mae hyn yn arwain at welliannau i ddinasyddion. Dywed Swyddfa Archwilio Cymru, er bod y Cyngor yn gwneud cynnydd ar ddatblygu'r mesurau y mae'n eu defnyddio i asesu effaith ers gosod ei amcanion gwella cyntaf yn 2010, fod angen mwy o waith i'w datblygu ymhellach.
Yn ei adroddiad, dywedodd y Swyddfa Archwilio Genedlaethol fod perfformiad y Cyngor wedi gwella mewn rhai meysydd blaenoriaeth ond atgoffodd y Cyngor y bydd ei ragolygon ar gyfer gwelliannau sylweddol yn dibynnu ar sut yr aiff i'r afael â'i broblemau presennol.
Er i'r Swyddfa Archwilio Genedlaethol nodi perfformiad cyson da mewn llawer o agweddau o waith gyda phlant a theuluoedd, tanlinellwyd canfyddiadau arolwg Estyn 2011. Ailddywedodd yr Archwilydd Cyffredinol fod gwasanaethau addysg ar gyfer plant a phobl ifanc yn anfoddhaol. Mae'r Cyngor wrthi'n cyflenwi ar gynllun gewithredu a ddatblygwyd gyda Thasglu o Gastell-nedd Port Talbot a gyda chefnogaeth Comisiynwyr, i wella canlyniadau addysgol ar gyfer pob dysgwr ym Mlaenau Gwent.
Soniodd y Swyddfa Archwilio Genedlaethol hefyd am y materion a gododd yn niwedd 2011 yn asesiad corfforaethol y Cyngor, pan ddyfarnodd nad oedd angen ymyriad allanol i redeg y Cyngor ar y pryd. Ym mis Rhagfyr, gwnaeth y Cyngor ei ymateb dechreuol i'r argymhelliad statudol - mewn da bryd o fewn y 30 diwrnod gofynnol - a bydd yn cyflwyno cynllun gweithredu llawn yn y dyfodol agos yn gosod y camau gweithredu tymor byr a hwy y bydd yn eu cymryd i hybu graddfa a chyflymder gwelliannau.
Nododd yr Adroddiad Gwella Blynyddol fod y Cyngor, ers gosod ei amcanion gwella cyntaf yn 2010 wrth ochr pob awdurdod lleol yng Nghymru - wedi mireinio hyn ac yn cryfhau trefniadau i gefnogi eu cyflenwi.
Dywedodd y Cyng John Mason, Arweinydd Cyngor Blaenau Gwent:
"Mae'r Adroddiad Gwella Blynyddol yn cynnwys asesiad clir o ble mae'r Cyngor yn gwella, a lle mae angen i ni wneud mwy i ddarparu gwell canlyniadau ar gyfer cymunedau Blaenau Gwent. Mae'n cadarnhau ymhellach ymrwymiad y Cyngor i gydweithio i hybu gwelliannau, yn ein hymateb i adroddiad Estyn a hefyd yr asesiad corfforaethol.
"Rydym hefyd yn gweithio'n galed i gryfhau'r trefniadau sydd gennym ar waith i fesur yn gyson yr effaith yr ydym yn ei chreu i ddinasyddion, ac rwyf wedi fy nghalonogi fod Swyddfa Archwilio Cymru wedi sylweddoli'r cynnydd a wnaethom wrth ddatblygu mesurau newydd ers 2010.
"Mae llawer o'r sylfeini y byddwn yn sicrhau gwelliannau parhaus arnynt eisoes ar waith, ac edrychwn ymlaen at barhau i weithio'n adeiladol gyda Swyddfa Archwilio Cymru."
Mae'r Adroddiad Gwella Blynyddol llawn ar gael o wefan Swyddfa Archwilio Cymru yn www.wao.gov.uk
