ADRAN CYLLID A PHOLISI

TÎM POLISI A THECHNEGOL

Croeso i dudalennau gwe Tîm Polisi a Thechnegol Cyngor Bwrdeistref Sirol Blaenau Gwent.

Mae Tîm Polisi a Thechnegol Adran Polisi Cyllidol yn cynnwys saith aelod o staff, sydd yn delio â meysydd cyfrifo Polisi a Thechnegol ar gyfer yr Awdurdod. Y prif feysydd gwaith a ymgymerir gan y tîm yw:

Rheolaeth Trysorlys

Diffinnir Rheolaeth Trysorlys fel a ganlyn:

"Rheolaeth o lif arian yr awdurdod lleol, ei fenthyciadau a’i fuddsoddiadau, rheolaeth y risgiau cysylltiol a cheisio sicrhau'r perfformiad neu adenillion gorau posib yn gyson gyda’r risgiau hynny. “

Mae gweithgareddau rheolaeth y trysorlys Awdurdodau Lleol wedi eu pennu gan statud. Ffynonellau eu pwerau yw, yng Nghymru a Lloegr, Deddf Llywodraeth Leol 2003 (Deddf 2003). Mae’r gweithgareddau Rheolaeth y Trysorlys cymeradwy a ymgymerir gan y Tîm Polisi a Thechnegol fel a ganlyn:-

 (a) Rhagweld llif arian a rheolaeth;
 (b) Benthyg er mwyn cyllido diffyg arian dros dro;
 (c) Buddsoddi cyllid sydd dros ben mewn Buddsoddiadau Cymeradwy;
 (d) Cyllido taliadau cyfalaf drwy fenthyca, derbynebau cyfalaf, grantiau neu  brydlesi;
 (e) Rheolaeth o Ddyled;
 (f) Ail-gyllido dyled aeddfed;
 (g) Rheolaeth o fod yn ddiamddiffyn erbyn Cyfraddau Llog;
 (h) Delio gyda broceriaid, banciau a Bwrdd Benthyg Gweithfeydd Cyhoeddus  (BBGC).
 (i) Monitro cyfleoedd i wella perfformiad rheolaeth trysorlys gan gynnwys ailstrwythuro dyled.

Mae’r Tîm Polisi a Thechnegol yn gosod y Datganiad Strategol Trysorlys a’r Strategaeth Buddsoddiad Blynyddol sydd i’w dilyn gan yr Awdurdod am y flwyddyn ariannol sydd i ddod. Mae Datganiad Strategol Trysorlys yn manylu’r  gweithgareddau disgwyliedig o’r swyddogaeth Trysorlys yn y flwyddyn ariannol sydd i ddod. Mae ei gynhyrchiad a’i gyflwyniad i’r Cyngor yn ofyniad o God Ymddygiad y CIPFA ar Reolaeth Trysorlys (2001).

Mae Deddf Llywodraeth Leol 2003 hefyd yn gofyn i’r Awdurdod i baratoi Strategaeth Buddsoddiad Blynyddol.

Treth ar Werth (TAW)
   
Mae’r Tîm Polisi a Thechnegol yn cyflwyno ffurflenni TAW i Gyllid a Thollau Ei Mawrhydi yn fisol  ar ran yr Awdurdod er mwyn ail-hawlio TAW ar bryniadau’r Awdurdod ac i dalu TAW ar incwm yr Awdurdod.

Mae’r tîm hefyd yn rheoli ac yn cynghori ar yr holl agweddau o TAW i’r Awdurdod, gan gynnwys y cyfrifiad rhyddhad rhannol, er mwyn sicrhau fod y TAW yn cael ei gyfrif yn gywir a bod risgiau rheolaeth treth yn cael eu lliniaru.

Rhaglen Gyfalaf
  
Mae’r Tîm Polisi a Thechnegol yn cydlynu cynhyrchiad o raglen gyfalaf tair blynedd yr Awdurdod ac yn monitro ac yn adrodd ar yr holl wariant cyfalaf a wneir yn ystod y flwyddyn ariannol. Mae’r tîm yn cau'r cyfrifon cyfalaf, sydd yn ffurfio rhan o’r Datganiad Blynyddol o Gyfrifon sydd yn cael ei gynhyrchu gan yr Adran Gyfrifyddiaeth.

Ceisiadau grant cyfalaf
Mae’r Tîm Polisi a Thechnegol yn paratoi ac yn cyflwyno'r mwyafrif o geisiadau grant cyfalaf i gyrff allanol, ar ran holl adrannau’r Awdurdod. Dyma enghreifftiau o’r prif fathau o geisiadau grant cyfalaf sydd yn cael eu cyflwyno yw:

 

• Hawliadau Amcan 1 i’r Mudiad Cyllid Ewropeaidd Cymreig (MCEC neu WEFO);
• Hawliadau Cyllid Adfywio Lleol i Lywodraeth Cynulliad Cymru;
• Hawliadau Cyllid Adfywio Ffisegol i Lywodraeth Cynulliad Cymru;
• Hawliadau Cyllid Cludiant i i Lywodraeth Cynulliad Cymru;
• Hawliadau i’r Adran Mentergarwch, Dyfeisgarwch a Rhwydweithiau (DEIN), sydd yn brif adran newydd o fewn Llywodraeth Cynulliad Cymru.
  

Asesiadau Gwario Safonol
   
Mae’r Tîm Polisi a Thechnegol yn ymchwilio  i mewn ac yn dadansoddi system Asesiad Gwario Safonol Cymreig er mwyn cefnogi achos yr Awdurdod am gynnydd mewn cyllid oddi wrth Lywodraeth Cynulliad Cymru.

Yr Asesiad Gwario Safonol (AGS) yw’r mecanwaith ar gyfer dosbarthu grantiau cefnogaeth cyllid (GCC) i awdurdodau lleol yng Nghymru i’w cynorthwyo i godi’r un dreth cyngor mewn theori ar gyfer darparu safon debyg o wasanaeth. Mae’r AGS wedi eu bwriadu i adlewyrchu amrywiaethau yn yr angen i wario, sydd i’w ddisgwyl efallai os ydy’r holl awdurdodau yng Nghymru yn ymateb mewn modd tebyg i’r galw am wasanaethau yn eu hardaloedd. Mae’r AGS wedi eu selio ar fformiwla ac yn cael ei bennu gan Lywodraeth Cynulliad Cymru.

Mae’r gyllideb refeniw sydd yn cael ei gosod gan yr Awdurdod yn medru bod yn uwch neu’n is na’r ASG ar gyfer yr Awdurdod, gan fod penderfyniadau ynghylch y lefel o wasanaeth a ddarperir yn amrywio o awdurdod i awdurdod (gan ei fod yn cael ei yrru gan anghenion yr ardal). Fodd bynnag, mae lefel gyffredinol y gyllideb yn cael ei gyfyngu gan y gallu i wneud cyfraniadau o gronfeydd wrth gefn yr Awdurdod ‘r gallu i gynyddu treth cyngor, ill dau yn destun i ystyriaeth wleidyddol a rheoleiddiol.

Fframwaith strategaeth gyllidol tair blynedd

Mae’r Tîm Polisi a Thechnegol yn cyfrannu i ddatblygiad parhaus strategaeth gyllidol tair blynedd yr Awdurdod, sydd yn cynnwys:

 

• Defnydd gwybodus o ddata cymharol ar adegau allweddol o’r broses gosod cyllid;
• Datblygu gwybodaeth budd-ddeiliaid  i gynnig gwybodaeth i’r broses gosod cyllid;
• Datblygiad a  gwerthusiad o Gynlluniau Benthyg Cynghorus er mwyn gwireddu potensial o hyblygrwydd cyllid arloesol;
• Croesgyfeirio cyllidebau  i ddogfennau strategol allweddol;
• Sefydlu proses rymus i werthuso cynigion twf sydd yn gyson gyda’r cyfarwyddebau  polisi newydd a’r rhai sydd i ddod;
• Defnydd o gyllidebau sydd eisoes yn bodoli er mwyn rhagamcanu ffigyrau arwyddol ar gyfer y ddwy flynedd nesaf;
• Defnydd o gyllidebau sydd eisoes yn bodoli er mwyn rhagamcanu ffigyrau arwyddol ar gyfer y ddwy flynedd nesaf;
• Defnydd o ddadansoddiad sensitifrwydd lefel strategol er mwyn rhagamcanu lefelau amrywio o gynnydd mewn Treth Cyngor a’r tybiaethau am Setliad Grant Cefnogaeth Cyllid.
  
  

Y Cod Prudential 

Mae’r Tîm Polisi a Thechnegol yn gyfrifol am sicrhau fod yr Awdurdod yn cydymffurfio gyda Chod Prudential y CIPFA.

Mae’r Cod  Prudential yn gofyn i awdurdodau lleol i hunan-reoleiddio pa mor fforddiadwy, gochelgar a chynaliadwy yw eu cynlluniau gwariant cyfalaf a benthyg, drwy osod amcangyfrifon a therfynau ar ffurf dangosyddion cynghorus. Mae hefyd yn gofyn fod arferion rheolaeth trysorlys yn unol ag arfer da.

Mae dangosyddion cynghorus wedi eu cymeradwyo gan y Cyngor fel rhan o’r broses cymeradwyo’r gyllideb flynyddol, sydd yn digwydd cyn cychwyn y flwyddyn ariannol.
   

ADRAN POLISI CYLLIDOL

TÎM GWELLA EFFEITHLONRWYDD GWASANAETH (TGEG)

Croeso i dudalen gwe Tîm Gwella Effeithlonrwydd Gwasanaeth Cyngor Bwrdeistref Sirol Blaenau Gwent.

Mae’r Tîm Gwella Effeithlonrwydd Gwasanaeth yn rhan o Adran Polisi Cyllidol sydd yn Adran Adnoddau’r Cyngor. Mae’n gweithio ar y cyd gyda dau Dîm arall yn yr Adran - yr Uned Caffaeliad Corfforaethol a’r Tîm Polisi a Thechnegol. Nod y Tîm yw:

“I gynorthwyo’r Awdurdod i bennu’r defnydd gorau o’i adnoddau gyda’r nod o ddarparu gwasanaethau effeithlon sydd wedi eu ffocysu ar ddinasyddion.”

Golyga hyn ein bod yn gweithio gyda’r holl adrannau er mwyn canfod ble y gellir darparu gwasanaethau yn fwy effeithlon neu i safon uwch, er budd dinasyddion Blaenau Gwent.

Pam ydym yn gwneud yr hyn a wnawn

Mae yna ddyletswydd ar yr holl awdurdodau lleol Cymreig o dan Ddeddf Llywodraeth Leol 1999 i:

”Wneud trefniadau i sicrhau gwelliant parhaus yn y modd y maent yn arfer eu swyddogaethau, drwy roi ystyriaeth i gyfuniad o economi, effeithlonrwydd ac effeithiolrwydd”.

Hyrwyddwyd hyn ymhellach gan Lywodraeth Cynulliad Cymru yn 2004, drwy esbonio ei gweledigaeth am wasanaethau cyhoeddus yn yr Adroddiad ‘Gwneud y Cysylltiadau: Darparu Gwasanaethau Gwell i Gymru’. Mae’r Adroddiad yn gosod targed ar gyfer pob awdurdod lleol i wneud enillion effeithlonrwydd o 1% y flwyddyn am y bum mlynedd 2005-2010.  Yn fwyaf pwysig i ddinasyddion Cymru yw’r nod i dargedu gwelliannau  gwerth am arian i ryddhau adnoddau i’w defnyddio er mwyn darparu gwelliannau pellach mewn gwasanaethau cyhoeddus. Nid yw’n ymwneud â thoriadau gwario sydd yn arwain at ostyngiadau mewn gwasanaethau cyhoeddus.

Yn fwy diweddar, ym 2006, arweiniodd adolygiad gan Syr Jeremy Beecham at adroddiad yn dwyn y teitl ‘Cyflawni ar draws Ffiniau’. Mae’r adolygiad hwn yn annog awdurdodau lleol i ganfod ffyrdd mwy uchelgeisiol ac arferion da o lefydd eraill er mwyn eu caniatáu i ddarparu gwasanaethau sydd naill ail yn gwella perfformiad neu yn gwneud arbedion. Mae’n hyrwyddo dull wedi’i ‘Ffocysu ar y Dinesydd’, lle bo cyfathrebu’n effeithiol gyda thrigolion yn hanfodol.

Sut Ydym yn Mynd Amdani
  
Mae ardaloedd gwasanaeth ar draws yr Awdurdod eisoes wedi ymgymryd ag amrywiaeth eang o brosiectau sydd wedi eu dylunio i wella gwasanaethau ar gyfer y cyhoedd ac arwain at effeithlonrwydd. Fodd bynnag, golygodd y sylw cynyddol ar effeithlonrwydd ynghyd â phwysau cyllideb newydd fod angen ffocysu mwy o amser ac adnoddau ar yr ardal hon.

O ganlyniad, crëwyd y Tîm Gwella Effeithlonrwydd yn benodol i gynorthwyo’r Awdurdod i fynd i’r afael â’r heriau yma a bydd y Tîm yn gweithio yn agos gyda Rheolwyr Gwasanaeth a Pholisi i archwilio ffyrdd arloesol newydd o ddarparu gwasanaethau, er mwyn gwneud enillion effeithlonrwydd a gwelliannau wrth ddarparu gwasanaeth.

Er mwyn pennu pa ardaloedd y dylid edrych arnynt yn gyntaf, bydd y Tîm yn dadansoddi ffactorau gwahanol o bob gwasanaeth, gan gynnwys; gwybodaeth gyllidol, gwybodaeth perfformiad, canlyniadau unrhyw sylwadau Rheolyddion ac adroddiadau, barn yr adran gwasanaeth a barn cwsmer.

Yn ystod 2005/06, cwblhaodd yr Awdurdod nifer o brosiectau llwyddiannus a gyfrannodd tuag at enillion effeithlonrwydd a gwelliannau mewn gwasanaeth. Mae’r modd y mae’r Awdurdod yn caffael ei wasanaethau wedi bod, ac yn parhau i fod, yn elfen bwysig o’r enillion hyn. Mae prosiectau eraill yn cynnwys:

• Bod yn bartner gyda Chyngor Caerdydd i ddarparu’r Ganolfan Gyswllt - C2BG
• Ailstrwythuro’r Gwasanaethau Plant i sicrhau fod anghenion y plant mwyaf archolladwy'r Awdurdod yn cael eu diwallu.
• Adolygiad o’r system i ddilysu Disgownt Treth Cyngor Person Sengl
• Ailstrwythuro Rhaglen Yswiriant yr Awdurdod
• Adolygiad o hysbysebion recriwtio
  

Rhwydwaith Bolisi Rhithwir – Grwp Gwerth am Arian

Mae’r Tîm hefyd yn gyfrifol am gydlynu Grwp Gwerth am Arian, sydd yn defnyddio syniad arloesol yr Awdurdod o ‘Rwydwaith Bolisi Rhithwir’ (sydd wedi eu gwneud i fyny o swyddogion oddi ar draws holl adrannau’r Awdurdod). Mae hyn yn hyrwyddo gweithio agosach rhwng adrannau ac yn defnyddio profiad a gwybodaeth o grwp ehangach o bobl. Mae’r Grwp Gwerth am Arian wedi ei orchwylio i ymgymryd ag amrywiol o brosiectau sydd wedi eu hanelu i gyfrannu at y Targed Effeithlonrwydd sydd wedi ei osod gan Lywodraeth Cynulliad Cymru. Arweiniodd y tri phrosiect cyntaf a gwblhawyd at enillion a ragwelir o fod yn fwy na £300,000.

Cofnod Canolog o Enillion Effeithlonrwydd 

Mewn ymateb i fenter Gwneud y Cysylltiadau, mae’r Tîm hefyd yn gyfrifol am gofnodi'r holl enillion effeithlonrwydd/arian sydd yn cael eu gwneud ar draws yr Awdurdod ac i wirio cynnydd yn erbyn y targed sydd wedi ei osod gan Lywodraeth y Cynulliad. Mae effeithlonrwydd yn cael eu dosbarthu yn y meysydd canlynol:

Caffael Craffach
Lliflinio Swyddogaethau Cefnogaeth
Siapio Gwasanaethau Cyhoeddus
Defnydd Gwell o Amser Staff, Sgiliau ac Arbenigedd.

Mae yna amrywiaeth eang o brosiectau ar waith ar hyn o bryd, sydd wedi eu hanelu i ddarparu gwasanaethau gwell i’r cyhoedd. Mae hyn yn cynnwys bod yn bartner i awdurdodau eraill (er enghraifft, mae Blaenau Gwent  a Thorfaen yn gweithio ar y cyd ar brosiect caffaeliad gwastraff) a hefyd sectorau eraill (er enghraifft, mae Gwasanaethau Cymdeithasol yn gweithio gyda Barnardos ac wedi cyflwyno gwasanaeth i blant gydag anableddau).