Mae Partneriaeth Gofal Cymdeithasol Blaenau Gwent yn bartneriaeth werthfawr sydd wedi sefydlu’n dda. Ei nod yw datblygu un ymagwedd at y gweithlu ledled Blaenau Gwent.  Caiff y bartneriaeth ei chefnogi’n weithgar ac yn frwdfrydig gan ei aelodau sy’n rhoi eu hamser i weithredu’r cynllun blynyddol a phrosiectau penodol.

Y Meysydd Allweddol ar gyfer Datblygu a Chamau Gweithredu ar gyfer 2011-2012 yw:

Gweithredu’r Rhaglen Datblygu Gofal Cymdeithasol sef:  

• Rhaglenni hyfforddiant sgiliau ar draws y sector
• Rhaglen hyfforddiant cymhwyso gwaith cymdeithasol
• Cyflenwi a chefnogi diplomâu Fframwaith Credydau a Chymwysterau i gynyddu’r nifer o staff gyda chymwysterau ar draws yr holl sector
• Datblygu staff i ddarparu gwasanaethau gwell
• Cydnabod a dathlu llwyddiant

Cefnogi nodau’r Bartneriaeth – cydweithio i ddarparu gwasanaethau gofal sy’n canolbwyntio ar y dinesydd yn unol â blaenoriaethau gwasanaeth newydd, sy’n diwallu anghenion defnyddwyr gwasanaeth a diogelu pobl agored i niwed o fewn Blaenau Gwent.

Datblygu cyfleoedd cydweithio yn seiliedig ar egwyddorion:

• Budd ariannol/arbedion cost
• Budd ansawdd o fewn adnoddau presennol
• Budd effeithiolrwydd

Datblygu ymhellach a hybu gweithgareddau cynllunio gweithlu a gyrfaoedd ar draws yr holl sector.