Rheoli pla

O’r 15fed o Ebrill 2013 bydd y gwasanaeth rheoli plâu yn cael ei ddarparu ar ran Blaenau Gwent gan Gyngor Bwrdeistref Sirol Caerffili (CCBC) fel rhan o gytundeb gwaith cydweithredol.

Ceir manylion am yr amrywiaeth o wasanaethau ac unrhyw gostau sydd ynghlwm â’r triniaethau isod.

Ni chodir tâl am lygod mawr, chwilod duon neu fygiau gwlâu a gwneir consesiwn o ostyngiad o 50% ar gyfer y sawl sy’n derbyn cymhorthdal incwm neu warant credyd pensiwn.

Gwasanaethau taladwy ar gyfer gwasanaethau rheoli plâu mewn adeiladau domestig:

Gwasanaeth Rheoli Plâu Domestig	Cost fesul triniaeth *	Consesiwn **	Amser Ymateb Targed
Llygod mawr	Am ddim	Dim	Tu mewn: diwrnod gwaith nesaf Tu allan: 5 niwrnod gwaith
Chwilod duon	Am ddim	Dim	5 niwrnod gwaith
Bygiau gwlâu	Am ddim	Dim	5 niwrnod gwaith
Cacwn (neu wenyn)	£42	50%	Tu mewn: diwrnod gwaith nesaf Tu allan: 5 niwrnod gwaith
Chwain	£42	50%	Tu mewn (ac eithrio’r atig): diwrnod gwaith nesaf Atig: 5 niwrnod gwaith
Llygod	£60	50%	5 niwrnod gwaith

Nodiadau:

* costau’n daladwy ar yr adeg o fwcio, mae’r holl gostau’n cynnwys TAW

** consesiynau: mae cwsmeriaid sy’n derbyn cymhorthdal incwm a gwarant credyd pensiwn yn derbyn gostyngiad o 50%

Bydd y triniaethau uchod yn cael eu gwneud mewn adeiladau masnachol am isafswm o £40 yr awr ynghyd â chostau’r deunyddiau (ac eithrio TAW).

Gellir cael manylion am wasanaethau rheoli plâu eraill sydd ar gael ar gais trwy ffonio’r rhif isod.

Trefnu apwyntiad rheoli plâu

I wneud apwyntiad ar gyfer unrhyw un o’r triniaethau rheoli plâu uchod, cysylltwch â:

01443 866558

Byddwch yn ymwybodol, wrth ffonio i drefnu triniaeth rheoli plâu ar gyfer y triniaethau taladwy, bydd angen i chi dalu ar yr adeg o fwcio a bydd rhaid i chi dalu dros y ffôn gan ddefnyddio cerdyn debyd neu gredyd

Os byddai’n well gennych dalu gydag arian parod, ewch i unrhyw un o swyddfeydd taliadau Cyngor Bwrdeistref Sirol Caerffili, gellir gweld lleoliadau ac oriau agor y swyddfeydd hyn yn y ddogfen isod – Oriau Agor Swyddfeydd Taliadau.

Ar gyfer yr holl wasanaethau taladwy ni fydd apwyntiad yn cael ei wneud nes i ni dderbyn taliad. Os na fedrwch chi dalu gyda cherdyn debyd / credyd neu os na fedrwch chi ymweld â swyddfa taliadau, trafodwch hyn gyda ni a byddwn yn hapus i drafod dulliau eraill o dalu gyda chi.

Ble fo angen, bydd swyddogion yn galw ar amser y trefnwyd o flaen llaw ac yn gosod triniaethau diogel ac effeithiol. Os fod y broblem yn parhau am unrhyw reswm byddant yn dychwelyd ac yn gwneud pob ymdrech i sicrhau bod y plâu yn cael eu difa

Gwybodaeth a chyngor

Darperir cyngor a gwybodaeth yn ymwneud â hunan driniaeth o’r plâu y’u rhestrir uchod a/neu unrhyw blâu nid ydym yn cynnig triniaeth ar eu cyfer am ddim i drigolion Blaenau Gwent.

Ceir cyngor sylfaenol ar reoli a difa rhai plâu cyffredin yn y taflenni isod.

Fel arall, cysylltwch â:

01443 866558