Tai cyngor
Mae Gwasanaethau Tai yn gyfrifol am reoli Stoc Tai Cyngor yr Awdurdod. Mae’n cyflwyno ei wasanaeth craidd yn Anvil Court, Abertyleri ac mewn lleoliadau all ymestyn sydd wedi eu lleoli drwy’r Fwrdeistref gan ddelio yn uniongyrchol gyda thenantiaid o’r ardaloedd hynny ar faterion yn ymwneud ag atgyweiriadau, ymddygiad gwrth cymdeithasol a’r broses osod, (gweler y ddogfen berthnasol ar leoliadau all ymestyn).Mae Gwasanaethau Tai yn landlord cymdeithasol, yn darparu gwasanaeth rheolaeth tai ac atgyweiriadau cost effeithiol sydd wedi ei ganolbwyntio ar denantiaid. Mae’n ymrwymedig i wella ei wasanaethau yn unol gydag anghenion a dewisiadau ei denantiaid ac i gynyddu eu cyfranogiad yn y broses gwneud penderfyniadau.
Datganiad bwriad y gwasanaeth yw:
‘I ddarparu tai fforddiadwy o’r ansawdd uchaf a gwasanaethau sydd wedi eu canolbwyntio ar gwsmeriaid i bobl Blaenau Gwent’.
Mae Gwasanaethau Tai yn cymryd ei arweiniad o’r nod strategol allweddol yn unol â chynnwys y Cynllun Cymunedol sydd wedi ei gytuno am yr ardal:
“i sicrhau bod llety fforddiadwy o ansawdd yn hygyrch ac ar gael o fewn cymunedau cynaliadwy ar gyfer yr holl drigolion’.
Mae’r Gwasanaethau Tai wedi cydnabod yr effaith mai tai fforddiadwy, o ansawdd da mewn ystadau sydd yn cael eu rheoli’n dda yn effeithio ar nifer o faterion economaidd-gymdeithasol sydd yn gallu effeithio ar bobl yn yr ardal, h.y. materion iechyd a chynhwysiad cymdeithasol. Mae wedi cydnabod bod creu llefydd lle mae pobl am fyw yn dod â buddion hir dymor i gymunedau sydd yn ymwneud gyda’r ardaloedd hynny.
Mae felly’n ymrwymedig i’r amcan hirdymor o:
Adfywio ystadau tai a gwella cynaladwyedd cymunedau o fewn yr ystadau hynny, drwy raglen o ailwampio'r stoc gyfredol o dai, dileu tai anarferedig, cefnogi grwpiau cymunedol a phrosiectau sydd wedi eu selio ar y gymuned a gweithio gyda mudiadau partner i gyrraedd yr amcanion maent yn eu rhannu.
Dyma yw amcanion Gwasanaethau Tai:
- I ddiwallu anghenion a disgwyliadau ein cwsmeriaid
- I ddarparu llety fforddiadwy o ansawdd
- I adeiladu a chynnal cymunedau cynaliadwy drwy’r Awdurdod
- I ostwng ymddygiad gwrth cymdeithasol o fewn ein hystadau
- I atal digartrefedd o fewn Blaenau Gwent
- I geisio gwella’r gwasanaeth yn barhaus
- I ddarparu gwasanaeth effeithlon, effeithiol ac ecwitïol drwy Flaenau Gwent
- I helpu a chefnogi'r rhai hynny o fewn y gymuned sydd gyda’r angen tai mwyaf
- I ostwng tenantiaethau sydd yn methu
- I adfywio ystadau tai cyngor
