Beth yw trwydded Casglu Drws i Ddrws?
Pa ddeddfwriaeth sy’n rheoli trwyddedau casglu drws i ddrws?
Pwy all wneud cais?
Beth yw’r broses gais?
A allaf wneud cais ar-lein?
Faint fydd y gost?
Pa mor hir fydd yn ei gymryd i brosesu fy nghais ac a fydd caniatâd dealledig yn weithredol?
A fedraf apelio os gwrthodir fy nghais?
Cwynion defnyddwyr
Beth yw trwydded Casglu Drws i Ddrws?
Mae elusen, sefydliad neu unigolyn sy’n dymuno cynnal casgliad elusennol ar gyfer arian neu eiddo drwy ymweld â phobl yn eu cartref neu fan gwaith, angen trwydded casglu drws i ddrws. Fodd bynnag, nid oes angen trwydded ar gyfer digwyddiadau noddedig neu lle gadewir blwch casglu mewn safle busnes, e.e. siop, tafarn ac ati, i’w gasglu ar ddyddiad diweddarach.
Pa ddeddfwriaeth sy’n rheoli trwyddedau casglu drws i ddrws?
Mae Deddf Casgliadau Drws i Ddrws 1939 yn rheoli casglu o ddrws i ddrws – cliciwch yma i weld rheoliadau’r Cyngor.
Gall unrhyw un dros 16 oed wneud cais, fodd bynnag mae’n rhaid i’r ymgeisydd brofi ei fod/bod yn berson addas a chywir.
Mae’n rhaid cyflwyno’r ffurflen gais berthnasol i’r Cyngor, ynghyd ag awdurdodiad ysgrifenedig gan yr elusen dan sylw. Yn ychwanegol, gall fod angen i’r ymgeisydd gyflwyno gwybodaeth bellach i gefnogi’r cais, h.y. copïau o gyfrifon casgliadau eraill.
Os cymeradwyir y cais, rhaid gwneud casgliadau arian mewn cynwysyddion wedi eu selio ac o fewn un mis o ddyddiad y casgliad, mae’n rhaid i hyrwyddwr y casgliad gyflwyno ffurflen i’r Cyngor yn dweud faint o arian neu werth yr eiddo a gasglwyd.
Medrir cyflwyno cais ar-lein yma.
Medrwch hefyd:-
Anfon ffurflen casgliad drws i ddrws
Nid oes ffi’n daladwy
Pa mor hir fydd yn ei gymryd i brosesu fy nghais ac a fydd caniatâd dealledig yn weithredol?
Bydd y Cyngor yn delio gyda’ch cais cyn gynted ag sydd modd fodd bynnag os nad ydych wedi clywed o fewn 14 diwrnod o gyflwyno eich cais, dylech gysylltu â’r Cyngor. Nid yw caniatâd dealledig yn weithredol h.y. ni ddylech dybio y cytunwyd i’ch cais os na chlywch gan y Cyngor o fewn 14 diwrnod.
A fedraf apelio os gwrthodir fy nghais?
Gallwch apelio i Weinidog Swyddfa’r Cabinet o fewn 14 diwrnod o wrthodiad eich cais.
Os oes gennych gwyn am gasgliad elusennol, cysylltwch os gwelwch yn dda â Thîm Trwyddedu’r Cyngor ar 01495 355961.
