Mae’r Prif Swyddog Gwasanaethau Cyfreithiol a Chefnogaeth Gorfforaethol yn gyfrifol am reoli’r
Adran hon o ddydd i ddydd. Mae’r Adeiniau Cyfreithiol ac Ystadau yn cynnwys tîm o bersonél cymwys ac anghymwys, sydd yn gyfrifol am ystod o ddyletswyddau cyfreithiol a gweinyddol sydd yn darparu gwasanaeth cyfreithiol, ystadau a phrisio cynhwysfawr i’r Cyngor.

Mae’r Adran yn cynnwys 24 o staff llawn amser. 
 
Mae’r gwasanaethau yma ar y cyfan yn wasanaethau cefnogi mewnol a rhaid cynllunio darpariaeth gwasanaeth yn unol ag anghenion y cleientiaid mewnol.

Nod allweddol yr Adran yw darparu gwasanaeth cyflawn a safonol sydd yn gynhwysfawr ac effeithiol ac yn diwallu anghenion yr holl gwsmeriaid.

Y Prif Swyddog Cyfreithiol, Dylan John, yw Swyddog Monitro'r Cyngor yn unol ag Adran 5 o Ddeddf Llywodraeth Leol a Thai 1998. Y Prif Swyddog Cyfreithiol hefyd yw’r Swyddog Cofrestru Etholiadol a’r Swyddog Canlyniadau. Y Swyddog Cyfansoddiadol yw’r Dirprwy Swyddog Monitro a Phennaeth Cefnogaeth Gorfforaethol yw’r Swyddog Cywir ar gyfer Cofrestru Genedigaethau, Marwolaethau a Phriodasau.

NOD - Drwy gefnogi amcan cyffredinol y Cyngor, bydd yr Adain yn "cefnogi’r Cyngor i wireddu’r amcanion yma yn gyfreithiol ac yn briodol drwy ddarparu gwasanaeth cyfreithiol a phrisio/rheoli ystadau mewnol , sydd yn ymateb i anghenion ac adnoddau ein cwsmeriaid.”

DATGANIAD O FWRIAD - Darparu gwasanaeth cyflawn a safonol sydd yn gynhwysfawr ac effeithiol ac yn diwallu anghenion yr holl gwsmeriaid.

BYDDWN YN
    

• Darparu gweithlu hyblyg ac arbenigol
• Adnabod dymuniadau ein cleientiaid
• Yn darparu cyngor amserol a chywir i’n cleientiaid
• Yn rhoi’r wybodaeth ddiweddaraf i’n cleientiaid am y gwaith o dan law
• Cyflawni a chynnal targedau perfformiad
• Adolygu’r gwasanaeth yn gyson
• Ymgynghori â’n cleientiaid
  

DISGRIFIAD O’R GWASANAETH -
    

• Cyngor Cyfreithiol Corfforaethol
• Cymorth Cyfreithiol i gwsmeriaid
• Eiddo, Cyfreitha, trawsgludo, cynllunio, masnachol, trwyddedu, priffyrdd etc.
• Gwasanaeth Ystadau/Prisio i gwsmeriaid
• Mynychu cyfarfodydd pan fo angen 
• Eiriolaeth 
• Cyngor i ysgolion - SLA
• Cyngor, cymorth a chyfarwyddyd ar ddiffinio a gweithredu deddfwriaeth newydd